brandy and the sea

hindi ko inasahang magiging ganito kasaya sa office outing. baka nasaktuhan lang, maganda ang lugar at tama ang mga kasama.

medyo nawala ang hika ko sa pagpapapawis sa obstacle course at volleyball. naka-ilang shot din ng granmatador at banat sa microphone. natuwa na naman si avl. masayang kasama ang mga katrabaho ko ngayon. may special guest pa, si angel.

sana, makapagtrip rin uli kami nina tristan, daryl, jj, liza, arianne, at ailene. sama na rin siguro si charlie at kahit siguro si jonas. kung iisipin, bitin din ang office outing dahil masaya nga. dagat, tulog, pool, tulog, magandang cr, kain, kwentuhan, pawikan, snorkling. pwede.

ending ng trip, halos naubos na mga tao sa bus pagdating sa office. sinabayan ko si ailene papuntang waltermart kung saan baka may greenstar bus (na wala pala talaga pag weekend) habang ako naman ay nag-grocery. sa kasalukyan, medyo bumalik ata yung hika ko dahil sa bigat ng marami kong biniling magnolia grape fruit drink at isang box ng big 250 sabay pa ng dala kong gamit. adik lang sa juice at tila kailangan ko na ngang paghandaan ang pag-eempake nang magaan para sa mga susunod na trip.