(hindi na-post kaninang 09:40:48 AM)
mga alas-otso kagabi, nakatulog ako at nang gisingin ako para kumain at pagkatapos ay mag-rosaryo, hindi ako nakabangon. mga alas-tres na ako nagising. nag-gitara muna ako. tila binali ko ang wala akong ibang tutugtugin hangga't matugtog ko ang canon. eheads. ang sarap tumugtog ng mga kanta ng eraserheads.
nang maisipan at magawa kong bumaba, kakain sana ako ng hapunan kaso malamig na ang sopas at isda. may nakasulat sa mesa na mula sa aking nanay tungkol sa isda sa lalagyan ng sinangag at sopas sa kalan. buti na lang at hindi ako gutom kasi hindi ako marunong magsindi ng kalan (shame on me).
dumeretso na lang ako dito sa testtype at pinatugtog muli nang paulit-ulit ang piano version at orchestra version ng canon.
kanina lang ako naka-reply sa chikka txt msg ni fema kahapon. naaalala pa pala niya ako. naaalala ko pa pala siya--pero iba na ang tingin ko sa kanya.
tapos na nga pala ang awayan namin nina reggie at arun at walang panalo o lahat panalo. sayang lang at medyo nabura ko pala nang hindi nakokopya sa isang .txt file ang ilang para maalala namin ang trip namin. pero mabuti na rin siguro para walang panghihinayang na dumating. basta, inside language.
No comments:
Post a Comment