WARNING: Mahabang Post (post fullmoon kasi)

kagabi, kabilugan ng buwan. ngayon ang araw/gabi pagkaraan ng kabilugan ng buwan.

slr

dinala ko ang slr at sa classroom kung saan wala akong assignment, napatitig ako sa kanyang isang upuan ang layo sa aking kaliwa. kung may flash lang ako o kung maliwanag lang ang classroom, kinunan ko na siya ng retrato.

sa danes, ksama si jude, pinag-usapan namin ni lica ang slr. nag-feeling ako at nag-lecture ng nalalaman ko tungkol sa camera. nilabas ko pa ang kuha ni odessa mula kay franz na kailangan kong ibigay kay odessa sa lalong madaling panahon. hindi ko nga pala napakilala kay lica kung sino ang nasa larawan.

paakyat sa malate office, nasayang ang pagkakataon na makakuhang muli ng isang paparazzi shot.

polo

naka-polo ako pagpasok at pinanloob ko ang sca shirt. may photoshoot kasi. hindi ako naka-abot sa sca photoshoot dahil nasa pizza hut ako.

sa greenplace, nakahubad si bugie kaya binigay ko sa kanya ang polo ko.

pagkain at perang pambayad

sa danes ako kumain ng tanghalian kasama sina jude at lica. P60. mura na rin pero mas mura taalga ang P35.

nanlibre si rachel pagkatapos ko siyang batiin kasi sinabi niya noong monday (at pinaalala niya na sinabi niya last week) na bday niya ngayon. maraming salamat talaga. dahil marami kami, nag-ambag na rin ako at medyo mas marami ata sa fair price. ok lang. that's what friends are for.

rose

pagkatapos ng struct1, kinausap ko si rose (aka yot) tungkol sa supposedly ubreak meeting. pinakilala ko siya kina at sa kanya sina jude at si lica. tinanong ako ni lica kung siya na ang papalit sa akin. hehehe. lagot ka...

pagkatapos kumain, gumawa uli ako ng tissue rose at naalala ko na sa mga pagkakataong ginawa ko iyon na kasama ko si lica, hindi ko binigay sa kanya.

tama-takbo

gusto kong sumali sa running club kaso may bayad. ano ang tamang gawin?

uminom kami. nag-usap kami ni reggie tungkol sa mga profound na mga bagay. inisip ko ngayon-ngayon lang kung lasing kami kasi ang laya ng utak namin. hindi. kung lasing kami kanina, lasing kami noong nasa rooftop kami ng cityland samantalang wala namang beer. beermatch, meron.

pauwi, hinabol ko ang jeep sa dominga. napagod ako at hirap akong tumakbo dahil dalawa ang dala kong bag. hindi ko naabutan ang jeep pero masaya pa ring tumakbo na nakainom. naglakad ako at noong wala nang pag-asang maaabutan ko pa ang jeep, sumakay na lang ako ng tricycle hanggang tulay.

naka-uwi akong steady kaso ngayon, kinakati na ako.

editor

si yot ang pinag-handle ko ng meeting kaso walang pumunta. medyo kasalanan ko rin kasi kasama ko ang tatlo sa pizza hut.

66 pages ang pinrint ko ngayon-ngayon lang. hindi kasi ako humingi ng hard copy ng mga submission para sa unang deadline ng term.

---

ok, pasado 11PM na. kung ano mang hindi ko na-blog ay para sa alaala na lang.

post number 69

late ako sa envieng pero ok lang. dahil doon, isang oras lang akong nabingi sa malakas na boses ni pagasa tapos sa katapusan pa ng klase siya na-che-check ng attendance. suot ko ang pink ko t-shirt kaya swerte dapat ang araw na ito.

pinabigay sa akin ni pearl kay odessa ang christmas gift mula kay franz. sabi ko, hindi kami tinadhanang magkita. ayaw maniwala ni pearl - natanggap ko ang reply ni deo noong nasa bahay na ako. ako ang tadhana.

bago pala hanapin si deo, nagpunta muna kami nina... marami... sa museum. first time ko at nakakatuwa. hehe. sayang at hindi nakapunta si ray kasi kahapon lang, napag-usapan naming tatlo ni ray at reggie ang tungkol sa hindi pa namin pagpunta sa museum sa yuchengco.

naalala ko ang eksena sa office.

may hawak na card si rose at biglang sinabing, "ang ganda!" katabi niya si chris. hiniram ko ang card para malaman kung bakit. ang sunod ko na lang na narinig ay si chris. "ayaw mo nang bitawan..." sinagot ko ang sinabi ni rose, "ang ganda nga."

talo

natalo ang archers sa second game ng uaap finals series. iyon lang dapat ang 'sasabihin' ko kaso mas tamang sabihin na natalo ang lasalle kasi may pasok bukas. the uaap un-fan that i am, the only thing i really like (iba ang like sa appreciate) about the uaap crown is the suspension of classes. teka, tila tama rin palang sabihin lang na natalo ang archers. we get to study and get our money's worth.

pero magkakram na naman ako mamaya at bukas ng madaling araw.

---

inayos ko ang Pangalawa salamat sa kritiko ni kat kaso hindi ko rin ginawang.. nakalimutan ko ang term niya.. teka.. lagyan ko raw ng spunk. hindi nga lang ako kung ganoon (pero hindi sapat na dahilan). pero siguro kasi ang personal website ay dapat maihambing sa nagmamay-ari nito.

sbt ngayong 269

ika-269 na araw ng taon ngayon. SBT. hindi nga lang ako nakapaglaro kasi tulog ako at wala doon tapos nakatulog uli ako. sumakit na rin ang tuhod ko kaya mas may dahilan ako para hindi maglaro. medyo badtrip na naman sa akin si menard pero nag-sorry naman na ako. hehe. tapos na sila nang pinuntahan ko sila sa SBT, sina dogi, thad, joey, venjo, menard at domeng.

bday ni dogi (ewan ko kung kailan talga kasi ganoon naman sa amin) kaya nagyaya at nanlibre siya. tatlong bucket meal ang in-order namin (ni dogi pala) sa KFC. haha. nakay menard yung apat na tumbler. kunin ko sa kanya yung tatlo sa lunes. hehe. dami kong nakain (bale, tatlong parte ng manok). dumating sina gino at tj. long time no see. ang lobo ni gino sabay ang payat ni tjax.

habang nagbibilyar sina menard, gino at tj, nagliwaliw kami sa loob ng makati square nina venjo, thad at joey. may usapang thadjoey tapos ginawa namin ang gawain namin sa mga bilihan ng game cds. iba na ang pangalan ng brochere at hindi ko maalala. bukas na lang. tumambay kami sa <pangalan ng brochere>. may happiness and excitement at P500 yema.

umuwi na si menard nang matapos silang magbilyar at dumating sina dogi at domeng kasi inuwi ni dogi yung tira namin. dinistribute nga pala ang choco knots (pero milk knots talaga).

naglakad kami papuntang gb3 - apat-apat, parang dalawang boyband lalo na sina tj, gino, dogi at domeng.

nanood kami ng bourne supremacy tapos naglaro sa timezone kaso umuwi na noon si joey. astig yung initial d (sa timezone) pero mas astig pa rin talaga yung taxi (sa sine). nakuha ko nga pala ang plaka na ginamit ni jason bourne kaso nakalimutan ko na. sinave ko sa cellphone ko, kaso rin, patay ang phone ko ngayon. basta, may 69.

bago umuwi, sa goldcrest, bumili muna si dogi ng gundam habang napag-alaman namin ni venjo na tatlong libong piso pala ang balak naming bilhing damit. may 20% discount pero oo sige. napagpasiyahan naming maghanap na lang ng sastre. (kahit para sa bday ni odessa, hindi ko maisip na gagastos ako ng P3000.)

uwian. walang itlog ngayon. may choco knots naman.

tumakbo ako sa final stretch pauwi. masaya ba? oo.

windstruck

badtrip, yung pangalawang cd yung napanood ko.

i should learn to read labels.

Date: Thu, 23 Sep 2004 15:29:45 +0800