pagpapalit ng buwan, ng takbo ng buhay

ngayon at bukas sa pagtatapos ng pebrero at pagsimula ng marso.

 

sa mga nagdaang linggo, naranasan ko ang kahinaan ng isip, katawan, at kaluluwa. mabagal ang panunumbalik ng aking lakas na matagal nang tila naglaho na.

 

late, hindi nagpapapasok, hindi nagpapasa ng requirements sa bridges, sa presdes. malaking pagkakamali.

 

halos dalawang linggo rin akong nahirapan sa sakit ng tiyan dahil sa amoebiasis at UTI. katangahan.

 

napupuyat na walang pakinabang. sobra na ito.

 

pero parang sa banda namin, sa sarili ko ay hindi pa ako nawawalan ng pag-asa. bumubuti pa rin ang pakiramdam ko dahil sa pag-asa.

 

ganoong pag-asa rin at paniniwala ang iniingatan ko para sa mga mahal ko sa buhay.

 

maligayang pagdating flashdrive. paalam 3550. paalam XL nina tita.

 

o bansa, kay gulo mo. wala namang gulo. buti pa ang buhay namin, magulo talaga kaya maaari pang bumuti.

ngayon

kanina, gumising, nagmadali. nagsimba.

kanina, inanyayahan sa isang laro bukas. masaya.

kanina, nabadtrip, napagod, walang napala. strc. thesis.

kanina, nanlibre, nabusog, inawitan. lica, vicky, jacq&gelo, jhude, sheila, patrick. masaya. medyo. badtrip lang talaga yang badtrip na yan.

pangkaraniwang araw na walang ginagawa pero may kailangang gawin. pero isa sa tatlong pinakamasaya sa taon ayon sa akin base sa buong nakaraan.

may mga bumati. nakapagpapangiti.

kanina, hapunan, masarap. mama, papa, ate at buds.

ngayon-ngayon lang, bamboo, light peace love. ok pala. salamat kay ate.

ngayon, na-c-cr, nilalamok. tulog na muna.

day before

Christmas. maaga-aga ang Pasko sa amin ni Lica nang wala kaming nakuhang bagsak sa school. halos 1.0 at pinakamataas na ang 2.5 pero kaysa naman may kahit isang 0.0

 

may mga pinagdaanan akong mga bagay sa nakaraang taon na masasabi kong nakatulong sa pagiging mas mabuting tao. kahit tila mas maraming pagkakamali kaysa tama, ang mahalaga ay may natutunan.

 

hindi na nga ako mahilig magsulat. hindi ko na kayang magsiwalat. siguro ay dahil sa ngayon, tinitingnan ko ang nagdaang mga araw, linggo, buwan, sa isang kabuuan.

 

katatapos lang ng simbang gabi. ilang oras na lang, Pasko na. Maligayang Pasko sa mundo.

dulsi

mga major na pangyayari sa nakaraang mga linggo: bday ni lica at pag-upgrade sa testtype.

hindi pa rin tapos ang turning point sa buhay ko. magulo pa ang ikot ng mundo ko. nagsimula ang lahat sa paghahanda para sa kaarawan ni lica. kung kailan matatapos, hindi ko pa alam. malalaman ko na lang kung maayos na ang lahat, kapag wala nang problema, kapag masaya na ang buhay.

sa mabilisang salita at dahil umiiwas ako sa detalye, masaya ang kaarawan ni lica. ang mga sumunod na araw ay napuno ng tunggalian sa loob ko.


tungkol sa testtype, mukha ngang kendi ang windows xp. hindi ko na maalala kung kailan, nag-uwi si papa ng salvaged na 60x cdrom pamalit sa bulok nang 40x na nakakabit dito noon. dahil dito, nakapag-upgrade na ako sa windows xp.

bumagal nga ang pc pero at least hindi na kailangang patayin para umayos. nakakatuwa. gamay na gamay ko ang pag-ayos nitong testtype. kanina lang, napagana ko ang asus na videocard ko.


sa "buhay" sa harap ng pc at sa totoong buhay, medyo magulo. tsaka ko na lang siguro ikukwento sa blog ang mga pangyayari kapag maganda na ang mga kwento, kapag tama na ang pagpapaikot ko sa aking mundo, kapag nagiging kwento na nga ang buhay ko.


oo nga pala, napanood ko na ang ff7 advent children. baka sa susunod, gagawan ko ng entry. nagbabalik din ang aking hilig sa anime. sa eva at gundam. turning point nga. umiikot lang pero hindi talaga ikot kasi may nagbago na sa dating nadaanan.

ang kasagutan

it's the crust. oo nga naman, hindi ko napapansin dahil nakakain ko na kaagad. may crust ang buko pie at egg pie. yung cassava cake, wala.