dulsi

mga major na pangyayari sa nakaraang mga linggo: bday ni lica at pag-upgrade sa testtype.

hindi pa rin tapos ang turning point sa buhay ko. magulo pa ang ikot ng mundo ko. nagsimula ang lahat sa paghahanda para sa kaarawan ni lica. kung kailan matatapos, hindi ko pa alam. malalaman ko na lang kung maayos na ang lahat, kapag wala nang problema, kapag masaya na ang buhay.

sa mabilisang salita at dahil umiiwas ako sa detalye, masaya ang kaarawan ni lica. ang mga sumunod na araw ay napuno ng tunggalian sa loob ko.


tungkol sa testtype, mukha ngang kendi ang windows xp. hindi ko na maalala kung kailan, nag-uwi si papa ng salvaged na 60x cdrom pamalit sa bulok nang 40x na nakakabit dito noon. dahil dito, nakapag-upgrade na ako sa windows xp.

bumagal nga ang pc pero at least hindi na kailangang patayin para umayos. nakakatuwa. gamay na gamay ko ang pag-ayos nitong testtype. kanina lang, napagana ko ang asus na videocard ko.


sa "buhay" sa harap ng pc at sa totoong buhay, medyo magulo. tsaka ko na lang siguro ikukwento sa blog ang mga pangyayari kapag maganda na ang mga kwento, kapag tama na ang pagpapaikot ko sa aking mundo, kapag nagiging kwento na nga ang buhay ko.


oo nga pala, napanood ko na ang ff7 advent children. baka sa susunod, gagawan ko ng entry. nagbabalik din ang aking hilig sa anime. sa eva at gundam. turning point nga. umiikot lang pero hindi talaga ikot kasi may nagbago na sa dating nadaanan.

ang kasagutan

it's the crust. oo nga naman, hindi ko napapansin dahil nakakain ko na kaagad. may crust ang buko pie at egg pie. yung cassava cake, wala.

pie at cake

matagal na itong tanong pero: bakit ang buko pie, pie pero ang cassava cake, cake?

masaya kanina ang assignment sa hydrology. magkasama kami ni lica, pumuntang namria sa binondo. nagtinging ng lumang mapa sa lumang library sa lumang building.

masakit ang likod ko lately. yung bag ko sigurong mabigat ang dahilan.

bagong buwan

kahapon, a-uno ng oktubre, late akong nagising at nakarating sa lab para gumawa ng forms para sa reinforced concrete specimens namin. fun-filled ang work atmosphere kasama nina gp at jonas.

 

bago umuwi, lumihis muna ako ng daan papuntang glorietta area. may misa pa kaya hindi muna ako pumasok sa greenbelt chapel.

 

balak kong bumili kaya naghanap ako ng kopya ng american idiot sa m1. wala. wala na nga rin yung mga dating album ng green day na lagi kong nakikita pag dumadaan ako dun. hanggang ngayon, wala pa rin akong nabibili sa m1 greenbelt 3.

 

may kopya sa record store sa landmark. isa. haha. pumunta muna (at naligaw papunta) akong tower records. dilemma kung ide-deposito ko ang kaunting naipon ko o bibili. mahaba ang pila. sa express deposit. hehe. kaso wala ding kopya sa tower records.

 

binalikan ko na lang yung sa landmark at sa wakas, matapos ang mahigit-higit isang taon, nakabili ako ng orig na kopya ng american idiot ng green day. sulit na rin kasi may bonus vcd ng making the video ng boulevard of broken dreams at yung video noon at ng holiday. tapos bumalik na rin ako sa greenbelt chapel at nangumpisal. umuwi ako para mananghalian. bibili pa akong bakal para sa thesis.

 

 

limang 6-m long 8-mm diameter reinforcing bars. ayokong ipa-bend. hindi naman sila nagpuputol. sana nga hindi talaga kaysa hindi lang nagkaintindihan dahil nilakad namin ni papa mula edsa pabalik sa bahay. nakakaawa ang tatay ko. hinihingal. di na gaya dati, sasabihin niya sa aking maglakad na lang kami kaysa maghintay sa pila ng jeep.

 

anim na metrong maliit ngunit mayugyog na bakal ang bitbit namin. malayo-layo rin iyon. pagdating sa bahay, hindi pala kasya sa garahe.

 

maya-maya, nang nakapahinga na nang kaunti, pinutulan na namin ng halos isang metro bawat isa--dalawang 54 cm. mamaya na namin itutuloy ang pagputol sa mga size na kailangan. marami-rami rin ang 36 na 54-cm at 72 na 3.4-cm. an mahirap pa lalo, mas marami pang kailangang gawin para sa mga araw na susunod. hehe. at nandito ako, 'nagsusulat'.

 

 

hindi ako nakakapagbasa. american idiot na siguro ang pinaka-kwentong alam ko ngayon.

 

 

oktubre na. october 2 ngayon. isang buwan na lang. tila marami nga akong kailangang gawin, a.

as september ends

BOS, CES Acquaintance Party, HYDRAUL/HYDROLO Fieldtrip, HYDROLO Agency Assignment, thesis, special class, at marami pang iba. remember September talaga.

 

nagbasa ako ng mga interpretation ng Homecoming galing sa American Idiot na album ng Green Day. isang taon na halos pagka-release ng album, hindi pa rin ako bumibili ng ligal na kopya.

 

nakaka-sira ng ulo. nakaka-inspire gumawa ng kwento. sa palagay ko, kung magsusulat uli ako, malaking impluwensya ang FF7 at American Idiot.