onion rings

hindi ako na-late kaninang umaga pero nakatanggap ako ng email na nagpaalala sa akin na late na naman ako sa commitments.

umaga, meryenda/agahan, tuna sandwich mula sa mr. donut. may kabagalan ang pakiramdam ng umaga at may kabilisan ang oras. tanghalian, chicken sandwich sa burger king. lunch out kasama si ailene. take out ng onion rings para matuwa si iris pero kahit ata wala, tila tuwang-tuwa naman sila ni cesar.

hindi ako nakauwi nang maaga gaya ng inaasahan. nagkita pa kami ni dian saglit bago ako nagtungo sa mcs para bilhin ang pouch ng bagong myphone ng tatay ko. natulog ako sa sofa pagkatapos maghapunan at maya-maya, nang gising na ako at nakatapos na sina mama ng rosaryo, medyo hyper sa facebook sa cellphone habang nakahiga pa rin sa sofa.

maraming hindi mabuting tila umuulit at hindi natatapos. parang onion rings lang ba, bilog, umiikot lang? pag kinagat ang onion ring, napuputol ang bilog.

andito sa pilipinas si paris hilton. nakita ko pa kahapon ang billboard ng azure at may pagkakaugnay pala siya doon. paalala ng mga hindi ko natapos. may hindi pa ako natatapos ngayon. kailangang makatapos. kailangang kagatin ang onion ring.