summer na summer, nag-re-review

isang review ng mga nakaraang araw:

tuesday

* unang araw ng ces core team building sa batanggas. anti-social mode: on.
* not as boring as expected. ok pa nga, e.
* gabi. matatakutin pala ang mga kasama ko.
* scary road kasama nina king at roñel.
* takutan bago matulog kasama nina rs, patrick t, gian, at allan.

wednesday

* may bago nang pope ayon kay rs.
* anti-social meter: low
* star gate. asteg. kaming tatlo nina roñel at rs ang huli.
* tuloy ang takutan
* inom, joke, suka, tulog

thursday

* uwian na

friday

* hangover ba o sadyang gutom lang ako?

saberday

* gets ko na ang pick bass
* niliha si B para ihanda sa final (hopefully) painting

kanina

* reformat c: na sinundan ng madugong windows installation
* testtype's good

preview ng bukas

* ces core meeting
* secure clearance and claim eaf with lica

ff7, transport strike & bass guitar

kalilipat ko lang kagabi (mga 24 hrs ago) sa 'disk 2' ng ff7. i'd blog about it more but i'd get emotional. hehe. two of the reasons i don't play rpg: time consuming (save point), i tend to get involved.

ang hiningi ko sa mga dasal ko mula pagkatanggap ng course cards ay maging ok kay mama na bumili ako ng bass. mapahanggang kaninag umaga, parang di pa rin siya payag. ngayong narito na, tila tanggap na niya. ang kailangan ko na lang gawin ay siguraduhing hindi siya magsisisi na pinayagan niya ako. (pero sa totoo lang, hindi ako pinayagan.)

primary objective: claim witheld EAF FAILED

dahil sa transport strike, naglakad ako papuntang dlsu (kahit na pwede pa sana akong mag-commute). dahil din sa strike, hindi dumating si sir apollo, ang academic assistant, para ibigay ang mga EAF na witheld. ewan ko lang kung dumating siya pagkaalis namin ni menard.

naalala ko ang sinasabi ng mga kaklase ko tungkol sa strike. kalokohan daw. makikitid lang talaga ang mga utak nila. i can't blame them, though i really want to. pero sa mundo natin ngayon, ginagawa tayong tanga. kaya hindi kataka-takang maraming...

primary objective: purchase bass SUCCESSFUL

ang balak talaga ay kunin ang EAF tapos pumuntang raon para bilhin ang bass. pero yun na nga, kaya galing dlsu, nagpunta kami ni menard sa raon. medyo masakit ang mga tuhod ko at yung left shin. sabay nag-LRT pa kami kahit may jeep pa naman. pasaway talaga.

mabilis ang transaksyon kasi binalikan lang talaga. wala yung nagbenta sa akin ng bass noon kaya iba ang umasiste sa akin. iba rin ang kinuha ko. itim imbes na asul. yung may design sana kaso hindi kaagad nakita. ok na yung itim. tila nagiging itim na ang kulay ko..err..you know what i mean. P3800. 4-string Miltone eletric bass. ok na. not the cheapest but the most convenient purchase. well, none to compare, really. matapos ang maragal-tagal na pagtono nung mama, pina-drop d ko pa. sinubukan ko nang sobrang sandali tapos bayad na. kasama na ang case at purple na kable. hehe. halos back to zero ang pera ko. ok lang. kaya nga may pera para gastusin. at isa pa, para may panibago at mas malupit na ipunan.

habang naglalakad pauwi, may ilang sorbetero akong nadaanan. nang naisipan kong bumili na, sampung pisong ube sa sugar cone. (sa totoo lang, yung flavor lang ang pinili ko. given na yung presyo at apa.) di ko pala natanong kung may avocado. buti na lang kasi wala. e di hindi ako nakakain. bago lumayo sa sorbetero, napansin ko na may sticker ng muziklaban. asteg. sabay dala ko pa yung bass. hehe. asteg.

nag-jam kami nang konti ni yonni sa sala nila nakasaksak yung bass sa radyo nila. nga pala, wala akong amps at buti na lang, ok lang isaksak sa pc. hindi sumabog yugn soundcard. hehe. medyo may compromise na ako sa pag-aaral ng bass.

when a third time happens, there ain't a fifth

praise the Lord!

apat na magkakasunod na term ako nagkaroon ng bagsak na grade. ang laki ng saya at pasasalamat ko kanina.

soilmec - 1.0 x 3
struct2 - 1.5 x 3
mattest - 1.5 x 3
hubehor - 2.0 x 3
matesla - 2.5 x 1
relstri - 3.0 x 3
soromla - 4.0 x 1

good enough for a recovery. nasagot ang mga dasal ko. sumamblay lang ang isa kong kaibigan pero kasama siguro sa dasal ko na maging ok lang siya kung sakali. seems so.

nanood kami nina lica, pat, at max ng spongebob movie. tama nga, mahigit isang oras ng nonsense pero hindi korni.

all is well now. sana lang, pumayag si mama sa pagbili ko ng bass. iyon na lang, ok na ang lahat sa akin. sa ngayon, tila kailangan ko munang matulog.

hindi ako naniniwala sa malas

huwag naman sanang maudlot kahit na may parang malas na kapag binabalita ang isang bagay o inaasahang lubos, hindi natutuloy. ok na sa akin ang presyo. baka sa sabado, bibilhin ko na yung bass sa raon. medyo kulang pa ang pera ko. pero may posibleng solusyon.

ang magpapaudlot lang noon ay ang hindi magandang resulta ng mga grade sa friday. kanina, pagkabili ng gatas pagkagaling sa raon, dumaan ako sa simbahan. iyon na lang ang kaya kong gawin sa ngayon--umasa sa taas.

si menard, nakabili na rin ng classical guitar. sa sabado talaga, babalikan namin `yung bass. not exactly. parang mas ok `yung isang black na may design kaysa dun sa plain na blue.

---

malas daw magbilang ng pera `pag gabi. ang tangging nakikita kong rason, madilim, baka magkamali. kaninang umaga ko sana bibilangin ang laman ng isa sa tatlo kong matataas na alkansya. (walang laman yung dalawa.) binalik ko rin maliban sa mga tig-25c na nilipat ko naman sa bote para sa pondo ng pinoy.

mataas na halaga na rin ang nabilang namin ni mama para sa mg barya-barya. hindi ko maalala kung kailan ko sinimulang lagyan iyon. pero nakuha ko iyon noong 7th bday ko sa jollibee. siguro, mga 4 years ago talaga ako nag-ipon sa alkansyan iyon.

pwedeng-pwede sanang pandagdag sa bass budget kaso korni ang alkansyang walang laman. ang balak ko, punuin pa uli pati ang dalawang iba pa. gagastusin ko na lang siguro ang mga ipon ko pag nagpalit na ng pera. emergencies considered but not expected. naalala ko tuloy `yung P690 ng 4th yr high school.

money, money, money. ang malungkot lang, sa mundo ngayon, kulang pa rin iyon. buti na lang, hindi ako mahilig doon.

about 2 and a half years high speed late

sa wakas, pagkatapos ng halos dalawa't kalahating taon mula sa pagkakalabas, na-unlock ko na ang lahat ng "unlockables" sa nfs: hot pursuit 2. partida, bulok pa yung graphics kasi hindi kaya ng testtype.