late post

predated itong post para may laman ang july. late gaya ng project ko at gaya ko sa ibang araw. nasa edge na naman ako. buti may gulaman para di maisip ang ibang bagay. di lang naman kasi deadline ang nami-miss.

kilometer

sa wakas, nakuhanan ko rin ng retrato yung 69 km station point sa star expressway.

labas

maambon sa labas ngayon. patapos na nga ang summer. di gaya nung sabi ng pagasa noon na simula na ng tag-ulan tapos kinabukasan, ang init. pero di mo sila masisisi. climate change nga.

end may. end summer. end stress. bakit parang transitionary dapat lagi sa akin ang bawat buwan? siguro kasi monthly na lang ako mag-blog. hahaha. at hindi ako naniniwala na new year dapat magbago.

climate change

kailan lang, ang init at nagkasakit pa ako sa sobrang init kasabay ng unhealthy lifestyle. isama na rin natin ang stress ng ibang tao. na na-a-absorb ko at naisasama sa sariling stress. tapos puro ulan naman. sabay sablay pa yung payong.

at least kahit may nakakanselang lakwatsa at nami-miss na gulaman, ang laging nareresked na muling pagkikita ay medyo nangyari naman na kahit papaano.

hindi ganoon ka-relaxed ang paligid. buti kaya ko pang mag-relax. isang linggo. tatlong project. tama. bibigyan ko ang sarili ng isang linggo para sa tatlong yun. pero next week na yun. di ko na mahintay ang bakasyon sa makalawa.

advanced celebration

matagal ko nang naisip na kung may makakapagpangiti sa akin, siguradong makapagpapasimangot din. napaaga yata ang april fools day.